D’ye mind their cries o’ indignation,
When we micht hae tipped scale?
“Scotland must not rule the South!”
Yet wi’ D.U.P., their complaints fail!
An’ gin we play Westminster’s game,
O’ 59, we were aw’ but 3!
It’s aw’ ridicule an’ Tory scorn,
Nae amendments accepted frae S.N.P!
We cannae win, hoo’er we vote,
Except wi’ impotent resistance,
We cannae keep oor Country safe,
Agin “We’ll hae OOR way!” Insistence!
“There’s nae Partnership! Ye’re jist a Part!”
Gin this be “Union?” We maun depart!
Wull ye tell me, gin ye voted “Naw?”
In guid faith, that ye’ll bide wi’ Britain,
Did ye believe their vaunted “Vow”,
Worth the paper, oan which it’s written?
The Saltire, frae Scots goods, removed,
Fir the Union, they think, it’s ower risky!
When they obliterate oor Scottish brand,
Then, wull ye buy Great British Whisky?
When Fishin’s, yince again, been pawned,
Polluted land, whaur it’s been fracked,
Substandard foods pervade the shelves,
They’ll say, yer vote, their actions backed!
Wull it gie ye pause, fir some reflection,
Oan votin’ “Aye,” fur oor Land’s protection?
Aye, there ye hae it, abundant, clear!
“Ye can hae yer clamoured wee debate,
Tae rant an’ rattle Scottish gums,
Bit yer, empty, words are ower late!”
“We’ve gie’n ye leave tae pontificate,
While we sit doon tae watch the game,
Then through the Lobby, we will troop!”
Arrogant, righteous an’ devoid o’ shame!
“Sae noo we‘ve set the precedent,
Whit’er the views o’ Holyrood,
Simply, we’ll gang oor ain gaite,
An’ let ye aw’ jist moan an’ brood!”
“As yer sovereignty gangs tae the wa’,
We’ll bide in bars an’ watch fitba!”
“An’ be the Nation again!”
A hae ma doubts, that they agree,
That Scotland is a Nation,
Jist a malcontented region,
Wha carp abin oor station!
Twa Countries joined by treaty,
As Equal partners we insist,
Bit hoo can there be equality,
Unless subjugation, we resist!
Gin Scotland died in Seventeen seven,
As wee Fluffy has avowed,
Then, same, tae England, must apply,
Bit he’d ne’er voice thon oot loud!
Heed Scotland’s warin’, lest ye see,
Whit happens “Daur’” ye “meddle wi’ me!”