So here’s Roger’s latest poem (composed, incidentally, before yesterday’s #GE17 announcement), which can be sung to the tune of Hamish Henderson’s Freedom Come-All-Ye. Enjoy!
Roch their Warld in oor new day’s dawnin’,
Blaw oor chains, “heelster-gowdie,” aw’ away,
Freedom’s winds noo sae strangly blawin’,
Through brave he’rts o’ oor folk the day!
They’re thouchts that’ll tak’ nae thrawin’s,
By thon rogues, wha wad oor Land betray,
We’ll tak’ oor road “an’ seek ithir loanins”,
Whaur Westminster will sport nae sway!
Heed nae mair, “Wee, Pair an’ Stupid!”
In boorish arrogance, let them craw,
Oor weans, no’ brocht up in thraldom,
Will mak’ oor land bounteous an’ braw.
Broken faith wi’ this land they’ve herriet,
Will rape, Scotland the meek, “nae mair, nae mair!”
Jock Thamson’s bairns aw’ thegithir mairriet.
Expose driech spirits, fell mean an’ bare!
Sae cam’ aw’ ye wha cherish freedom,
Ne’er thole propaganda’s croaks o’ doom,
Mak’ a land o’ warm, honest welcome,
Whaur Business, Bairns an’ Beauty bloom!
When the Scots greet Warld in friendship,
These truths we’ll proudly preach an’ groom,
When “Man tae Man” can aw’ bide as brithirs,
“Dings the fell gallows o’ their burghers doom!